Zgjedhjet lokale: 21 komuna i zgjodhën kryetarët, 17 shkojnë në balotazh

Në kryeqytetin Prishtinë, deri në orën 11:00, votuan 8.8 për qind e qytetarëve, sipas të dhënave të Komisionit Qendror të Zgjedhjeve.

Prishtinasit votojnë

Materiali aktualisht nuk është në dispozicion.

0:00 0:00:50 0:00

• Deri në orën 11:00, të drejtën e votës e kanë shfrytëzuar 7.84 për qind e qytetarëve.
• Komisioni Qendror i Zgjedhjeve ka bërë të ditur se procesi po zhvillohet normalisht, pa ndonjë parregullsi që do ta rrezikonte mbarëvajtjen e tij.
• Presidentja e Kosovës, Vjosa Osmani, dhe kryeministri në detyrë, Albin Kurti, u kanë bërë thirrje qytetarëve që të votojnë, pasi vetë kanë ushtruar të drejtën e tyre.
• Ndërkohë, autoritetet në Serbi, përfshirë presidentin Aleksandar Vuçiq, u kanë bërë thirrje qytetarëve serbë në Kosovë që të marrin pjesë në zgjedhje.
• Konferenca e radhës e Komisionit Qendror të Zgjedhjeve do të mbahet në orën 15:30, kur do të raportohen të dhëna për pjesëmarrjen deri në orën 15:00.

Kryetari i Kuvendit të Kosovës, Dimal Basha, u bëri thirrje qytetarëve të dalin masivisht për të votuar, duke theksuar se kjo është mënyra më e drejtpërdrejtë për të ndikuar në vendimet që prekin jetën e përditshme.

“Le të jetë kjo ditë festë e demokracisë, me votime të qeta, pjesëmarrje të lartë dhe me frymë të plotë qytetarie”, shkroi Basha në Facebook.