Çfarë ndryshon nëse mbahen zgjedhjet e parakohshme?
Ndërsa në këtë artikull mund të mësoni më shumë se çfarë do të sillnin zgjedhjet e parakohshme, nëse veç shpallen nga presidentja Osmani.
Takimi po vazhdon...
Është bërë gati 1 orë prej kur ka nisur takimi mes Osmanit dhe liderëve partiakë.
Po i presim reagimet e tyre pasi të dalin.
Qëndroni me ne!
Takimi përfundoi...
Liderët partiakë nisën të deklarohen pas takimit.
Na ndiqni!
Abdixhiku: U bë e qartë se nuk ka shumicë, vendi duhet të shkojë në zgjedhje
Kryetari i Lidhjes Demokratike të Kosovës, Lumir Abdixhiku, tha pas takimit me presidenten se, në këtë takim “u bë e qartë nga përfaqësuesit e partive parlamentare se nuk ka shumicë parlamentare".
"Tani i takon presidentes që deri të mërkurën, më 5 nëntor, të përcaktojë se a ka shumicë apo jo”, tha ai.
Abdixhiku theksoi se "sa më parë që i shpallim zgjedhjet, i shmangim krizat që mund t’i vihen vendit".
"Nuk folëm për data, as për marrëveshje politike. Këtu ishim për t'i dhënë qëndrimet e partive dhe presidentja të vlerësojë a ka numra për një shumicë”.
Sipas tij, lideri i Lëvizjes Vetëvendosje, Albin Kurti, pati pretendime se ndoshta duhet provuar edhe një herë që ta formojë qeverinë, “por shumica, përfaqësuesit e 52 deputetëve shqiptarë, thanë se nuk ka shumicë”.
