Votimi për nënkryetarin serb mban peng konstituimin e Kuvendit të Kosovës

Nenad Rashiq para fillimit të seancës deklaroi se shpreson se sot do të marrë votat e ish-opozitës, duke shtuar se ka biseduar ndërkohë me disa prej tyre.

Sipas tij, zgjedhja eventuale e tij për nënkryetar nuk do të ishte kundërkushtetuese.

“Ata nuk kanë votuar apo kanë abstenuar, sepse kanë konsideruar që nuk është në harmoni me Kushtetutë. Gjatë bisedimeve që kam pasur me ta, jam përpjekur t’ju shpjegoj se ai votim nuk është kundërkushtetues dhe se mund të votojnë pa hezitim. Do të shohim nëse do të votojnë tani”, tha Rashiq.

Një shkrimNë punimin me titullin: “Globalizmi në Ballkanin Perëndimor: Krimi transnacional, islami fundamentalist dhe aleancat e padrejta”, thuhej se “sipas rasteve të hetuara, fondet për UÇK-në erdhën nga shqiptarë të zakonshëm në diasporë, por edhe nga trafikantët e drogës që operonin në gjithë Evropën Perëndimore dhe në Shtetet e Bashkuara”.

Në punimin e publikuar më 2012 thuhet se përveç se UÇK-ja është “financuar nga trafikantët e drogës”, mbështetja nuk përfshinte vetëm para.

"Por, trafikantët e drogës dërguan persona të armatosur për të luftuar së bashku me UÇK-në dhe blinin armë në emër të UÇK-së”.

“Teksa lidhja midis UÇK-së dhe krimit të organizuar është e vështirë për t’u matur, ekzistojnë raste gjyqësore të njohura nga Gjermania, Italia, Belgjika dhe Republika Çeke, të cilat sugjerojnë fuqishëm një lidhje midis trafikantëve të drogës dhe UÇK-së”, u tha në këtë punim.

Sipas punimit, në Belgjikë bosi i “të ashtuquajturës mafi shqiptare la fishekë para dyerve të anëtarëve të diasporës shqiptare si kujtesë se taksat ‘vullnetare’ që ata kishin paguar për mbështetjen e Qeverisë në hije dhe UÇK-në, në të vërtetë nuk ishin ‘vullnetare’”.

Punimi pretendon se mbijetesa e UÇK-së “varej nga financimi që ofronin banditët patriotë, që operonin përtej kufijve. Të ashtuquajturat taksa vullnetare u dërgoheshin organizatave humanitare sikurse Vendlindja Thërret”.

Në punim, lufta në Kosovë më 1998-99 vlerësohet si “konflikt etnik”, teksa aty pretendohet se agjencitë perëndimore të inteligjencës “shpesh mbyllën sytë ndaj bashkëpunimit mes krimit dhe politikës në Kosovë".

“Që nga fillimi i viteve 1990, shumë ishin të vetëdijshëm për lidhjen midis UÇK-së dhe trafikantëve të drogës. Pas konfliktit, UÇK-ja vetë u shpërbë formalisht, megjithatë shumë ish-komandantë të UÇK-së u përfshin në politikë. Me politikën erdhi edhe krimi”, thuhet në këtë punim. kundër Ushtrisë Çlirimtare të Kosovës (UÇK), bashkautor i të cilit ishte kreu i Kuvendit, Dimal Basha, ka nxitur edhe reagimin e kryetarit të Nismës Socialdemokrate, Fatmir Limaj.

"Më vjen keq, shumë më vjen keq, që një shqiptar, për ta publikuar një shkrim, një punim shkencor, vetëm për ta publikuar, për ta mundësuar publikimin e një punimi shkencor, ka fyer, ka ofenduar, ka rrënuar, ka shtrembëruar, ka akuzuar vendin e vet, kombin e vet, për ta botuar një artikull gjoja shkencor, për t'i shërbyer atij vetë personalisht", ka thënë Limaj para gazetarëve, të enjten.

"Kjo është shumë serioze", është shprehur Limaj.

Asociacioni i Gazetarëve të Kosovës (AGK) ka thënë se i dënon “fuqishëm” dhe shpreh “keqardhje” që kryetari i Kuvendit të Kosovës, Dimal Basha, e ka nisur punën në postin e tij të ri e “shumë të rëndësishëm duke sulmuar mediat”.

Gjatë një konference për shtyp në prag të seancës konstituive, ku sërish u distancua nga një punim kundër ish-Ushtrisë Çlirimtare të Kosovës ku është bashkautor, Basha tha: “Prej 6 vjetësh, portalet dhe të ashtuquajtur gazetarë nuk kanë ndaluar së më ofenduari në mënyrat më të ulëta, duke përdorur edhe burime nga gazeta të Beogradit. Mos harroni se keni të njëjtat burime që kanë lobuar për ndarjen e Kosovës dhe për Listën Serbe”.

AGK-ja tha në një postim në Facebook se gjuha e Bashës “është e papranueshme dhe shumë të rrezikshme”.

Ajo i bëri thirrje Bashës “ta kuptojë përgjegjësinë që e bart posti i tij i ri, si një prej udhëheqësve kryesorë të shtetit, dhe të respektojë punën e gazetarëve dhe mediave”.