Arton Konushevci është gazetar i Radios Evropa e Lirë në Prishtinë.
Përfaqësuesit e institucioneve të Kosovës thonë se kompetencat që kanë mbetur pa u transferuar nga policia e UNMIK-ut te policia e Kosovës, do të barten hap pas hapi. Ndërkaq, zyrtarët e lartë të policisë së Kosovës konsiderojnë se policia është e gatshme t'i pranojë të githa përgjegjësitë. Ekspertët e kësaj lëmie pohojnë se vonesa e bartjes së kompetencave, dëmton policinë.
Autoritetet e rendit në Kosovë thonë se në krahasim me vitet e kaluara, në gjashtëmujorin e parë të 2008-ës vërehet rritje e numrit të të rinjve, të cilët përdorin substanca narkotike. Nga ana tjetër, psikologët konsiderojnë se një nga faktorët e rritjes së numrit të përdoruesve të substancave narkotike është edhe ngadalësimi i zhvillimit ekonomik të Kosovës dhe papunësia e madhe.
Analistët në Kosovë, marrëveshjen teknike, të cilën e nënshkruan përfaqësuesit e misionit të OKB-së dhe atij të BE-së, e shohin si një veprim të mirë drejt bartjes së kompetencave nga UNMIK-u tek EULEX-i.
Sa është i pranishëm korrupsioni në strukturat lokale të qeverisjes? Qytetarët thonë shumë, por autoritetet pohojnë se janë të rralla rastet që vetë qytetarët i kanë lajmëruar tek organet kompetente.
Presidenti i Kosovës, Fatmir Sejdiu, ka shprehur bindjen sot se Forca e Sigurisë e Kosovës do të jetë ushtri. Ai, pas takimit me komandantin e Trupave Mbrojtëse të Kosovës, Sylejman Selimin, ka siguruar se shpërbërja e TMK-së do të bëhet në mënyrë dinjitoze, posaçërisht do të kenë trajtim të veçantë ata që nuk mund të jenë pjesë e FSK-së.
“Njohja është proces dhe kur themi proces, duhet të kemi parasysh se proceset mund të zgjasin”, thotë Skënder Hyseni, ministër i Punëve të Jashtme i Kosovës.
Nga një përleshje në mes të shqiptarëve dhe serbëve që ka ndodhur në Mitrovicë, kanë mbetur të lënduar një pjesëtar i policisë ndërkombëtare, një qytetar shqiptar dhe dy të tjerë serbë. Autoritetet e rendit e kanë cilësuar këtë incident me motive ndëretnike.
Ideja për krijimin e policisë serbe brenda policisë së Kosovës s'do funksionojë në asnjë mënyrë dhe një vendim i tillë do të ishte hap i gabuar, thonë autoritetet e rendit dhe ekspertët e sigurisë.
“Veriu po keqpërdoret. Në këtë mënyrë po cenohet edhe aspekti politik i tërësisë territoriale të Kosovës”, thotë Ismet Beqiri, nga Lidhja Demokratike e Kosovës.
“Nëse ka nevojë vendi, praktika ka dëshmuar se nuk kam refuzuar ndonjë obligim që është menduar se mund ta kryej me sukses”, thotë Fehmi Mujota, nga Partia Demokratike e Kosovës.
Përfaqësuesit e Ministrisë së Punëve të Jashtme të Kosovës thonë se nga të gjitha shtetet që nuk janë shprehur kundër pavarësisë së Kosovës, ka sinjale pozitive për njohje të shtetit. Ata madje thonë se është duke u punuar intensivisht për njohje të reja. Nga ana tjetër, edhe ekspertët e së drejtës ndërkombëtare thonë se në ditët në vijim priten njohje të tjera të Republikës së Kosovës.
“Koalicioni qeverisës nuk po demonstron kapacitet veprues, ka vetëm kapacitet deklarues dhe kjo e përkeqëson situatën”, thotë kryetari i Lidhjes Demokratike të Dardanisë, Nexhat Daci.
Para presidentit të Kosovës, Fatmir Sejdiut, për herë të parë, kanë dhënë betimin një grup gjyqtarësh dhe prokurorësh. Me këtë rast është shfaqur besimi se puna e tyre në sistemin e drejtësisë, i cili cilësohet të jetë i brishtë, do të jetë korrekte.
SHBA-të do të përkrahin Kosovën duke dhënë garanci të fuqishme në mbështetje të tërësisë territoriale të saj dhe të shtimit të njohjeve ndërkombëtare të vendit. Kështu thanë krerët më të lartë të Kosovës, me t’u kthyer nga vizita e parë zyrtare në SHBA.
Politikanë dhe analistë nga Kosova vlerësojnë se krahas pavarësisë, takimi i sotëm i presidentit amerikan, George Bush, me liderët kosovarë është ngjarja më e rëndësishme për Kosovën në këtë vit.
“Pala shqiptare nuk ka hyrë në këtë projekt me politikë, por ndoshta (Zannier) nuk ka pasur guxim ta thotë që pala serbe e ka politizuar atë pa nevojë”, thotë për Radion Evropa e Lirë, kryetari i Mitrovicës, Bajram Rexhepi.
Përfaqësuesit e institucioneve të Kosovës vlerësojnë se raporti i kreut të OKB-së, Ban Ki Moon, për Kosovën, është pozitiv. Analistët thonë se pjesë pozitive është bartja e përgjegjësive nga UNMIK-u te EULEX-i, por, sipas tyre, në raport do duhej të sqarohej largimi i plotë i UNMIK-ut.
“Asnjë ndërmarrje publike nuk është imune ndaj korrupsionit. Për të gjitha ka informata, për Qeverinë, për gjykatën, për pushtetin lokal, si dhe për prokuroritë”, thotë Hasan Preteni, drejtor i Agjencisë Kosovare Kundër Korrupsionit.
Shfaq më shumë
