Paralajmërimi për dhënien me qira afatgjate të Plazhit të Madh të Ulqinit për ndërtimin e një kompleksi banesor e turistik është, prej javësh, në qendër të vëmendjes së opinionit në Mal të Zi. Ndërsa kryeministri Millojko Spajiq dhe shumica parlamentare promovojnë një investim të mundshëm arab prej miliarda eurosh, pushteti lokal, opozita dhe ambientalistët e kundërshtojnë ashpër. Banorët e Ulqinit dhe të vendbanimeve pranë plazhit janë, përgjithësisht, skeptikë ndaj këtij “megaprojekti”.