Superjahtet e shtrenjta, në pronësi të oligarkëve rusë, po përballen me sfida ligjore, teksa autoritetet në mbarë botën po veprojnë në bazë të sanksioneve ndërkombëtare që kanë për qëllim t’i bëjnë presion personave që janë të afërt me presidentin rus, Vladimir Putin. Një numër anijesh, vlera e përgjithshme e të cilave vlerësohet të jetë të paktën 1.6 miliard dollarë, janë konfiskuar deri më tani. Rasti i fundit i konfiskimit të një jahti ndodhi në Londër më 29 mars. Në këtë fotogaleri iu tregojmë jahtet e konfiskuara dhe pronarët e tyre, por edhe për disa anije që janë në shënjestër të autoriteteve, përfshirë edhe një jaht që është i lidhur me vetë Putinin. (Përgatiti: Syzanë Paçarizi)
Në kërkim të superjahteve të oligarkëve rusë
6
Axioma, me vlerë 75 milionë dollarësh, që është raportuar se është në pronësi të oligarkut rus, Dmitry Pumpyansky, u sekuestrua nga Qeveria e Gjibraltarit.
Pumpyansky është pronar dhe kryetar i prodhuesit të tubave të çelikut TMK, një furnizues i gjigantit shtetëror rus të energjisë Gazprom.
Pumpyansky është pronar dhe kryetar i prodhuesit të tubave të çelikut TMK, një furnizues i gjigantit shtetëror rus të energjisë Gazprom.
7
Jahti Lady M, i gjatë 65 metra, që thuhet se është në pronësi të oligarkut rus Aleksei Mordashov, u sekuestrua nga policia italiane në fillim të marsit.
Mordashov konsiderohet një nga qytetarët më të pasur të Rusisë, me një pasuri neto prej 21.2 miliardë dollarësh, sipas Indeksit të Miliarderëve të Bloombergut. Ai zotëron një të tretën e operatorit turistik më të madh në Evropë, TUI. Ai ka një interes financiar në Rossia Bank, për të cilën autoritetet evropiane thonë se është "banka personale" për zyrtarët e lartë rusë. Mordashov i tha agjencisë shtetërore të lajmeve TASS se, "unë nuk kam të bëj absolutisht asgjë me shfaqjen e tensionit aktual gjeopolitik dhe nuk e kuptoj pse BE-ja ka vendosur sanksione ndaj meje".
Mordashov konsiderohet një nga qytetarët më të pasur të Rusisë, me një pasuri neto prej 21.2 miliardë dollarësh, sipas Indeksit të Miliarderëve të Bloombergut. Ai zotëron një të tretën e operatorit turistik më të madh në Evropë, TUI. Ai ka një interes financiar në Rossia Bank, për të cilën autoritetet evropiane thonë se është "banka personale" për zyrtarët e lartë rusë. Mordashov i tha agjencisë shtetërore të lajmeve TASS se, "unë nuk kam të bëj absolutisht asgjë me shfaqjen e tensionit aktual gjeopolitik dhe nuk e kuptoj pse BE-ja ka vendosur sanksione ndaj meje".
8
Superjahti Phi, me vlerë 50 milionë dollarë, u sekuestrua nga policia në Canary Wharf të Londrës. Është superjahti i parë i lidhur me Rusinë që kapet në ujërat britanike.
Financial Times emëroi pronarin si Vitaly Kochetkov, i cili është themeluesi i Motiv Telecom, një kompani celulare në Urale. Por, kjo media shtoi se Kochetkov nuk ishte në listën e sanksioneve dhe Qeveria e Mbretërisë së Bashkuar beson se anija mund t'i përkasë dikujt tjetër.
Financial Times emëroi pronarin si Vitaly Kochetkov, i cili është themeluesi i Motiv Telecom, një kompani celulare në Urale. Por, kjo media shtoi se Kochetkov nuk ishte në listën e sanksioneve dhe Qeveria e Mbretërisë së Bashkuar beson se anija mund t'i përkasë dikujt tjetër.
9
Jahti Nord u ble për 500 milionë dollarë në vitin 2021 dhe thuhet gjithashtu se është në pronësi të Aleksei Mordashov. Nord nuk është sekuestruar. Thuhet se jahti u largua nga Sejçelles më 12 mars dhe mendohej të ishte nisur për në Lindjen e Largët të Rusisë.
