Koreja e Veriut ka testuar një mori raketash gjatë viteve të fundit, duke përfshirë disa që Shtetet e Bashkuara të Amerikës dhe Koreja e Jugut kanë vlerësuar se kanë qenë në kuadër të testimeve të sistemeve interkontinentale. Testimet janë parë po ashtu si përpjekje e Phenianit për të treguar se ka sisteme të besueshme raketore që mund të bartin koka bërthamore.
Organizata e Kombeve të Bashkuara ia ndalon Koresë së Veriut testimin e raketave balistike dhe atyre bërthamore, prandaj edhe ka vendosur sanksione ndaj saj. Por, ky shtet i Azisë Lindore ka shkelur vazhdimisht ndalesën, ndërsa udhëheqësi koreanoverior, Kim Jong Un, është zotuar se do të rrisë kapacitetet shtetërore për mbrojtje.
Shumica e pamjeve në këtë fotogaleri janë publikuar nga agjencia shtetërore koreanoveriore e lajmeve KCNA, dhe janë shpërndarë nga agjencia ndërkombëtare e lajmeve Reuters, e cila nuk ka mundur të verifikojë në mënyrë të pavarur datën e shkrepjes së fotografive.
(Përgatiti: Trim Haliti)
Raketat e Koresë së Veriut
5
Udhëheqësi i Koresë së Veriut, Kim Jong Un, duke shikuar gjatë testimit të lëshimit të raketës balistike ndërkontinentale "Hwasong-14". Fotografi e publikuar më 5 korrik 2017.
6
Raketa balistike ndërkontinentale "Hwasong-14", e parë në këtë fotografi të publikuar më 4 korrik 2017.
7
Një testim i lëshimit të një rakete balistike nga Forca Stategjike e Ushtrisë Popullore Koreane, në një lokacion të panjohur. Fotografi e publikuar më 11 mars 2016.
8
Një pamje e asaj që agjencia shtetërore koreanoveriore e lajmeve KCNA raportoi se ishte testim i lëshimit të një rakete hipersonike, në një lokacion të panjohur, në Korenë e Veriut, më 5 janar 2022. Fotografi e publikuar më 6 janar 2022.
