Ish-sekretarja amerikane e Shtetit, Madeleine Albright, vlerësohet si një prej personave që ka shtyrë përpara vendimin që aleanca e NATO-s të ndërhynte në Kosovë, ndërhyrje që çoi në çlirimin e Kosovës. Albright vdiq më 23 mars në moshën 84-vjeçare, njoftoi familja e saj. Ajo kishte thënë se ndërhyrja e NATO-s në Kosovë ishte bërë “në emër të lirisë”. Ish-presidenti Bill Clinton, që e kishte emëruar Albrightin në postin e sekretares, tha se bota ka humbur shumë me vdekjen e saj. Albright ishte gruaja e parë që u emërua në postin e Sekretarit të Shtetit.
Kontributi i Madeleine Albright për çlirimin e Kosovës
9
Ish-sekretarja amerikane e Shtetit, Madeleine Albright, gjatë një paraqitjeje për gazetarët nga Ramubjeja më 14 shkurt 1999. Ajo i dha ultimatum Kosovës dhe Serbisë që të arrinin një marrëveshje të paqes, pasi për disa javë bisedimet e paqes kishin ngecur.
10
Ish-sekretarja amerikane e Shtetit, Madeleine Albright, së bashku me homologët e saj francezë dhe gjermanë, gjatë një konference pas takimit të fundit të Grupit të Kontaktit në Rambuje, më 20 shkurt 1999. Fuqitë botërore, që përbënin këtë grup kontakti, kishin vendosur afat për Kosovën dhe Serbinë që të arrinin një marrëveshje të paqes.
11
Ish-sekretarja amerikane e Shtetit, Madeleine Albright, gjatë një prononcimi për media nga Rambuje më 21 shkurt 1999. Në këtë adresim, ajo kishte fajësuar serbët për mungesën e progresit në bisedime, pasi Beogradi kishte refuzuar praninë e paqeruajtësve të NATO-s në terren.
12
Ish-sekretarja amerikane e Shtetit, Madeleine Albright, duke shkuar në një rund bisedimesh midis serbëve dhe shqiptarëve që u mbajt më 23 shkurt në Rambuje të Francës.
