Trump e quan kundërpërgjigjen e Teheranit “shumë të dobët”

Pak minuta më parë, Katari dhe Emiratet e Bashkuara Arabe kanë bërë të ditur se kanë mbyllur hapësirat ajrore, pas shqetësimeve për hakmarrje iraniane, si pasojë e sulmeve amerikane të një dite me parë.

SHIKONI EDHE:

Katari pezullon trafikun ajror teksa Irani po shqyrton hakmarrjen, pas sulmeve amerikane

Shteti i Katarit e ka dënuar ashpër sulmin e Gardës Revolucionare të Iranit kundër bazës ajrore amerikane Al-Udeid, ndonëse autoritetet e këtij shteti kanë thënë se raketat janë rrëzuar dhe nuk ka raportime për viktima.

“Ne e konsiderojmë këtë shkelje flagrante të sovranitetit të shtetit të Katarit, hapësirës së tij ajrore, ligjit ndërkombëtar dhe Kartës së Kombeve të Bashkuara. Ne theksojmë se Katari rezervon të drejtën për t’u përgjigjur drejtpërdrejt dhe në mënyrë të barabartë me natyrën dhe shkallën e këtij agresioni”, ka thënë Majed al-Ansari, zëdhënës i Ministrisë së Jashtme të Katarit, përmes një postimi në X.

Sipas tij, hapësira ajrore e Katarit tani është e sigurt.

Përmes këtij blogu do t'i përcjellim në kohë reale të gjitha zhvillimet në Lindje të Mesme. Qëndroni me ne!