Ndërlidhjet

Mitrovicë e Veriut, 13 qershor.
Mitrovicë e Veriut, 13 qershor.

Qetësohet situata në Mitrovicë të Veriut

  • Rreth orës 13:00 të së martës, në Mitrovicë të Veriut janë dëgjuar sirena alarmi.
  • Ministri i Brendshëm i Kosovës, Xhelal Sveçla, ka thënë se tre pjesëtarë të Policisë së Kosovës janë të lënduar gjatë një aksioni në veri.
  • Sipas tij, Policia e Kosovës në këtë aksion e ka arrestuar Milun Milenkoviq- Llune, “një nga udhëheqësit e formacionit kriminal 'Mbrojtja Civile’”.
  • Sipas Sveçlës, i njëjti ka qenë edhe organizatori kryesor i sulmeve ndaj forcave të KFOR-it dhe Policisë së Kosovës në Zveçan para dy javësh.
  • Serbët lokalë kanë organizuar në tri komunat në veri të Kosovës, Zveçan, Zubin Potok dhe Leposaviq.
  • Ata kanë protestuar rregullisht prej 29 majit, për të kundërshtuar hyrjen e kryetarëve shqiptarë në ndërtesat komunale.
22:26 7.6.2023

Rastet kur qeveritë e Kosovës 'injoruan' këshillat e Uashingtonit

Kosova është një nga shtetet me popullatën më pro-amerikane në botë, tregojnë sondazhet e disa instituteve ndërkombëtare. Por, viteve të fundit, politika kosovare në disa raste nuk i ka mbështetur kërkesat e zyrtarëve amerikanë.

Mosdëgjimi ka çuar në deklarata kritike nga SHBA-ja, e së voni edhe në ndëshkime.

Më shumë:

22:47 7.6.2023

Të nderuar lexues,

Këtu po e përmbyllim raportimin për ngjarjet në veri të Kosovës.

Do të rikthehemi në mëngjesin e së enjtes.

Faleminderit që jeni me ne!

07:54 8.6.2023

Mirëmëngjesi të nderuar lexues,

Do të raportojmë edhe sot për zhvillimet në veri, në kohë reale.

Qëndroni me ne!

09:09 8.6.2023

Numër më i vogël i protestuesve në Zveçan

Serbë lokalë po vazhdojnë të protestojnë në Zveçan, ku një numër më i vogël i protestuesve është grumbulluar sot pranë ndërtesës komunale.

Ekipi i Radios Evropa e Lirë raporton se automjetet e njësisë speciale të Policisë së Kosovës janë parkuar pranë ndërtesës së komunës, në rrugën ku gjendet shkolla dhe ku është e vendosur një tendë.

Shfaq më shumë

XS
SM
MD
LG