Oda Ekonomike Amerikane i bën thirrje Kosovës t'i dëgjojë kërkesat e Perëndimit
Oda Ekonomike Amerikane ka kërkuar nga Qeveria e Kosovës t’i marrë “menjëherë parasysh thirrjet nga SHBA-ja dhe BE-ja për shtensionimin e situatës në veri të vendit”, në mënyrë që të tërhiqen investitorët dhe të mbështetet rritja e qëndrueshme ekonomike.
“Investitorët kërkojnë mjedise të qëndrueshme dhe të sigurta për bizneset e tyre, ndërsa tensionet e vazhdueshme mund të minojnë besimin në prospektet ekonomike të Kosovës. Tensionet dhe përplasjet krijojnë një atmosferë pasigurie dhe paparashikueshmërie, e cila i pengon investitorët e mundshëm”, thuhet në deklaratën e Odës Ekonomike Amerikane, të publikuar më 8 qershor.
Oda Ekonomike Amerikane është shprehur e shqetësuar ngjarjet në veri dhe për “mungesën e vullnetit të Qeverisë së Kosovës për të koordinuar përpjekjet e saj me partnerët ndërkombëtarë, përfshirë SHBA-në dhe BE-në”.
Në këtë deklaratë thuhet tutje se SHBA-ja dhe BE-ja kanë qenë mbështetëse dhe e kanë ndihmuar Kosovës në zhvillimin e saj politik dhe ekonomik, duke kërkuar kështu që Qeveria e Kosovës të dëgjojë kërkesat e tyre.
Për më shumë detaje, lexoni lajmin e mëposhtëm:
Rama propozon draft për Asociacionin, kërkon terheqjen e Policisë së Kosovës
Kryeministri i Shqipërisë, Edi Rama, ka bërë të ditur se dje ua ka përcjellë një draft për Asosacionin e komunave me shumicë serbe presidentit të Francës, Emmanuel Macron, dhe kancelarit gjerman, Olaf Scholz.
Rama tha se nuk është konsultuar për këtë draft me kryeministrin e Kosovës, Albin Kurtin. Ai tha se drafti është hartuar nga ekspertë të pavarur, ndërsa shtoi se edhe ai vetë ka dhënë kontribut.
Në fjalimin e tij, Rama gjithashtu shtoi se është shumë i shqetësuar për situatën ku ndodhet Kosova dhe se nuk dëshiron të përkeqësohet situata apo të vendosen sanksione ndaj saj.
"Për mua është i pakuptimtë pozicioni i Kosovës, se Serbia bën atë që ka bërë herë tjera. Palët nuk po merren vesh kush duhet ta shkruajë këtë tekst e jo më se si duhet hartuar", tha Rama.
“Ndërkombëtarët janë të zotët e shtëpisë në Kosovë, nëse ata i kthejnë shpinën, mos ndodhtë kurrë, por ajo shtëpi [Kosova] hyn në ditët e saj më të errëta”, shtoi ai, duke bërë thirrje që Policia e Kosovës të tërhiqet.
Për më shumë detaje, lexoni lajmin e mëposhtëm:
Studentët nga Mitrovica e Veriut dhe Beogradi përkrahin protestuesit në Zveçan
Studentët e “Universitetit të Prishtinës në Mitrovicën e Kosovës” dhe kolegët e tyre nga Beogradi – anëtarë të Konferencës së Përhershme të Universitetit të Serbisë, Skonus – përkrahën protestuesit në Zveçan, në ditën e 11-të të protestave kundër hyrjes së kryetarëve të rinj në ndërtesat komunale.
Studentët kishin veshur bluza me një karikaturë mbi to, ku shkruhej “dil vogëlushe”, që sipas tyre dërgonte mesazhin që kryetarët të dilnin nga komunat.
Kënga me këtë titull, nga opusi popullor i muzikës serbe, është dëgjuar edhe në ditën e parë të protestës, e cila përfundoi me incidente mes qytetarëve dhe KFOR-it, 30 ushtarë të të cilëve mbetën të lënduar.
Nxënësit kënduan refrenin e këngës pranë vendit ku ndodhen ushtarët e KFOR-it, afër komunës. Këngët patriotike si "Lumturoheni serbë" kanë vazhduar të transmetohen nga altoparlantët.
Jeta e pauzuar në veri
Për shkak të protestave të serbëve lokalë, në veri të Kosovës ka pothuajse dy javë që nuk po zhvillohet jetë normale.
Artikullin e plotë mund ta lexoni më poshtë:
