Afganistan: Dymbëdhjetë persona të vrarë nga luftimet në Kabul

Disa talibanë të armatosur kanë sulmuar një hotel në Kabul, në zonën rekreative popullore, te Liqeni Qargha.

Sulmi ndodhi në mbrëmjen e 21 qershorit, kur sulmuesit morën disa njerëz peng.

Policia afgane luftoi me armë me militantët, betejë kjo që zgjati pothuajse 12 orë.

Së paku dymbëdhjetë persona, duke përfshirë katër militantë dhe katër civilë, u vranë në luftime, gjatë të cilave policia thotë se janë liruar dhjetëra civilë.(g.k.)