Bujar Tërstena është kameraman dhe montazhier i Radios Evropa e Lirë në Prishtinë.
Qentë endacakë vazhdojnë të jenë një ndër problemet e përhershme, me të cilat përballet Prishtina, por edhe qytetet e tjera në Kosovë. Autoritetet qendrore dhe lokale kanë shpenzuar miliona euro për këtë problem, por ende çështja e trajtimit të qenve endacakë nuk është zgjidhur.
Ende nuk ka datë se kur mund të shpallen rezultatet e zgjedhjeve të 14 shkurtit, por pritjet janë që ato të shpallen brenda dy javësh. Zgjedhjet e vitit 2019 mund të mos jenë model për shkak të rinumërimit të 82% të votave, proces që pati marrë mbi gjashtë javë kohë për shpalljen e rezultateve.
Kandidati i Lëvizjes Vetëvendosje për kryeministër, Albin Kurti dhe kandidatja për presidente nga lista e kësaj partie, Vjosa Osmani premtuam një qeveri që do të fokusohet në drejtësi dhe krijimin e vendeve të punës. Kurti u zotua që qeveria e tij nuk do t’i hakmerret askujt.
Të prirë nga zyrtarë të partisë Lista Serbe, serbët në veri të Kosovës dhe këtë vit kanë shkuar të votojnë në mënyrë të organizuar në zgjedhjet parlamentare. Këto janë zgjedhjet e para në veri që nuk organizohen me mbështetjen e Organizatës për Siguri dhe Bashkëpunim në Evropë (OSBE).
Qytetarët, me të cilët ka biseduar REL thonë se nuk i kanë lexuar shumë programet e partive politike për zgjedhjet e 14 shkurtit në Kosovë. Por, ata shprehen të gatshëm për të votuar.
Partitë politike po përmbyllin fushatën zgjedhore, gjatë së cilës organizuan mitingje masive, pa i respektuar masat kundër COVID-19. Policia ka qëndruar indiferente në shumicën prej këtyre tubimeve.
Kandidati për kryeministër i Lidhjes Demokratike të Kosovës, Avdullah Hoti thotë për Radion Evropa e Lirë se partia e tij nuk ka vija të kuqe për asnjë parti.
Arbnora Fejza-Idrizi është duke tentuar të thyejë edhe një rekord Guinness me punimet e saj me letër, me teknikën origami. Ajo ka realizuar në Skenderaj, flamurin e Kosovës, të madh mbi 1,200 metra katrorë. Aktualisht rekordi mbahet nga një shkollë në Mongoli.
Në një intervistë për Radion Evropa e Lirë, kandidati për kryeministër i Partisë Demokratike të Kosovës (PDK), Enver Hoxhaj premtoi rritje pagash, e plan prej 1 miliard eurosh për rimëkëmbje ekonomike.
Qindra të burgosur punojnë punë të ndryshme brenda burgjeve të Kosovës. Në burgun e Dubravës, të burgosurit kanë punuar disa tavolina dhe karrige, të cilat i janë dhuruar organizatës “Down Syndrome Kosova”.
Për shkak të pandemisë së koronavirusit, në Kosovë nuk lejohen tubime në ambiente të mbyllura me më shumë se 30 persona, si dhe ndalohen të gjitha tubimet që kanë më shumë se 50 pjesëmarrës. Mirëpo të dyja rregullat janë shkelur me nisje të fushatës zgjedhore më 3 shkurt.
Deri të dielën pasdite, Komisioni Qendror i Zgjedhjeve synon të përmbyllë procesin e verifikimit të aplikuesve nga jashtë Kosovës për votim përmes postës. Deri të premten, më 29 janar, e drejta e votës u është verifikuar më shumë se 52 mijë votuesve.
Në shumë dritare të shtëpive dhe banesave në Prishtinë dhe vendbanime tjera qytetarët kanë ndezur qirinj në shenjtë respekti për të vrarët gjatë luftës së viteve 1998-99. Një iniciativë e tillë është marrë nga organizata jo qeveritare “Gjenocidi në Kosovë – Plagë e Hapur”.
Shumë shtëpi janë përmbytur në rajone të ndryshme të Kosovës. Radio Evropa e Lirë ka vizituar disa familje, shtëpitë e të cilave u dëmtuan nga uji. Derisa ende nuk dihet shuma totale e dëmeve të shkaktuara, banorët shpresojnë në ndihmë institucionale.
Dhjetëra shtëpi janë vërshuar nga uji ditën e martë në Vushtrri pasi lumi Sitnica doli nga shtrati. Ekipet emergjente dhe pjesëtarë të Forcës së Sigurisë së Kosovës (FSK) kanë larguar banorët nga zona e përmbytur.
Në rajone të ndryshme të Kosovës, disa fshatra janë bllokuar pas reshjeve të mëdha të shiut dhe borës. Shumë rrugë e ura janë dëmtuar dhe si pasojë është bllokuar trafiku për disa orë.
Për shkak të reshjeve të mëdha të shiut dhe borës, shumë pjesë të Kosovës janë vërshuar. Reshjet kanë mbyllur qarkullimin në disa pjesë të Kosovës. Radio Evropa e Lirë ju sjell pamje nga disa komuna të Kosovës, të prekura nga vërshimet.
Dy garat e balotazhit në shtetin e Xhorxhias do të përcaktojnë se kush do ta kontrollojë Senatin amerikan dhe agjendën legjislative të presidencës së Joe Biden. Votimi i 5 janarit, vë përballë dy senatorët aktualë republikanë me kundërkandidatët e tyre demokratë.
Hashim Thaçi, Kadri Veseli, Jakup Krasniqi, Rexhep Selimi si dhe Salih Mustafa janë ndër udhëheqësit kryesorë të Ushtrisë Çlirimtare të Kosovës që po përballen me akuza për krime lufte dhe krime kundër njerëzimit në Gjykatën Speciale në Hagë.
Loriana Kuka është xhudistja më e re e familjes Kuka nga Peja. Ajo, gjatë vitit 2020, ka marrë pjesë në gara ndërkombëtare, në të cilat ka marrë dy medalje të bronzta. Në vitin 2021, Loriana shpreson të marrë pjesë në Lojërat Olimpike që do të mbahen në Tokio.
Shfaq më shumë
