Arton Konushevci është gazetar i Radios Evropa e Lirë në Prishtinë.
Përkufizimi i vijës kufitare të Kosovës me Malin e Zi ka shkaktuar një përplasje të fuqishme në skenën politike për afro një vit. Radio Evropa e Lirë vizitoi brezin kufitar me Malin e Zi, dhe banorët e kësaj pjese shprehën shqetësimin e tyre për mundësinë e humbjes së pasurisë së Kosovës.
Procesi i pajtimit ndëretnik në Kosovë ka pak gjasa të arrihet nëse politikanët e të dyja palëve nuk shprehin gatishmërinë e tyre për një hap të të tillë, thanë njohës të rrethanave politike dhe aktivistë për të drejtat e njeriut.
Autoritetet e rendit në Kosovë thonë se janë të përgatitura të përballen me çfarëdo situate të mundshme në aspektin e sigurisë. Këto deklarata zyrtarët e policisë i kanë bërë pas paralajmërimeve të partive politike opozitare se në rast të miratimit të marrëveshjesh së Demarkacionit të kufirit me Malin e Zi, ato do të mund t’i radikalizojnë mjetet e tyre.
Mungesa e vullnetit politik, sistemi i brishtë i drejtësisë dhe papërgjegjshmëria janë vetëm disa nga faktorët që konsiderohen se po pengojnë luftën kundër korrupsionit në Kosovë.
Lëvizja Vetëvendosje, përmes deputetit, Driton Çaushi ka përdorur sërish gazin lotsjellës në Kuvend, kësaj radhe në mbledhjen e Komisionit për punë të Jashtme, si masë kundërshtimi ndaj ratifikimit të Marrëveshjes me Malin e Zi për Demarkacionin e kufirit.
Ribotimi i përgjimeve të komunikimit të zyrtarëve të lartë të Partisë Demokratike në pushtet ka rinxjerrë sërish problemin e ndikimit politik mbi sistemin e drejtësisë. Analistët në vend thonë se politika ka vënë “duart mbi drejtësinë” duke e drejtuar atë.
"Policia e Kosovës në vendin e ngjarjes ka gjetur dëshmi relevante, në mesin e të cilave edhe një mjet për hedhjen e predhave, shishe të benzinës (koktej molotovi) dhe një motoçikletë të djegur jo larg nga vendi i ngjarjes“, i tha Radios Evropa e Lië zëdhënësi i Policisë së Kosovës, Daut Hoxha.
Autoritetet në Prishtinë kanë mohuar zërat për fillimin e hartimit të statutit të Asociacionit të Komunave me Shumicë Serbe, duke theksuar se nuk janë përmbushur të gjitha kushtet për fillimin e punës në këtë çështje.
Pak ditë përpara mbajtjes së debatit për demarkacionin, në një tryezë të rrumbullakët, përfaqësuesit politikë të Kosovës, të atyre për dhe kundër procesit, kanë rritur tensionet. Për analistët politikë, fjalori fyes dhe gjuha degraduese ndërmjet pushtetit dhe opozitës, janë shembulli më i keq që mund të shpërfaqet para qytetarëve.
Kryeministri i Kosovës, Isa Mustafa, ka akuzuar opozitën se po e bllokon lëvizjen e lirë pa viza të qytetarëve të Kosovës, duke bllokuar çështjen e demarkacionit të kufirit me Malin e Zi. Por, opozita thotë se nuk është kundër demarkacionit, e as lëvizjes së lirë, por kundër humbjes së territorit.
Gjykata Speciale për Kosovën mund të nis punën me një marrëveshje të përkohshme për selinë, deri në miratimin e Marrëveshjes me Kosovën nga Parlamenti i Holandës, i ka konfirmuar Radios Evropa e Lirë ambasadorja holandeze në Prishtinë, Gerrie Willems.
Ministrja për dialog në Qeverinë e Kosovës, Edita Tahiri, i tha Radios Evropa Lirë se “është koha që Serbia ta nxjerr Kosovën nga preambula e Kushtetutë së saj”. Ajo tha se Serbia nuk mund të bëhet anëtare e Bashkimit Evropian pa e njohur pavarësinë e Kosovës dhe vlerësoi se “në fund të procesit të dialogut do të ndodh njohja reciproke ndërmjet dy vendeve”.
Armët në posedim të paligjshëm nga ana e qytetarëve, e të cilat qarkullojnë në Kosovë, thuhet se janë shkaktarët kryesorë për pjesën dërmuese të vrasjeve dhe të një sërë krimesh që kanë ndodhur.
Përkulja e presidentit Thaçi përpara një memoriali të viktimave civile serbe, në Grackë të Vjetër të Lipjanit, është vlerësuar si veprim politik, dhe njëkohësisht edhe si gjest pajtimi. Megjithëkëtë, i njëjti gjest është parë edhe si veprim i panevojshëm në një memorial që “paragjykon shqiptarët si vrasës”.
Shumë mërgimtarë nga Kosova që jetojnë në vende të ndryshme të botës, tashmë kanë nisur pushime në vendlindje. Në ditët e verës edhe institucionet e vendit kanë menduar t’i presin për të trajtuar kërkesat e tyre.
Shkollat e financuara nga Turqia në Kosovë janë shtrirë në komunën e Lipjanit, Prizrenit, Gjakovës dhe në lagjen Marigona në afërsi të Prishtinës dhe kanë një numër të konsiderueshëm të nxënësve. Thuhet se funksionojnë brenda sistemit arsimor të Kosovës dhe veprojnë në kuadër të shkollës ‘Mehmet Akif’.
Mbi 500 projekte janë përfunduar ose edhe po vazhdojnë të realizohen nga Turqia në Kosovë, përfshirë edhe ndërtimin dhe restaurimin e xhamive. Por, njohës ndërkombëtarë të rrethanave në Kosovë thonë se “Turqia ka agjendën e promovimit të islamit turk në Kosovë”.
Instituti Demokratik i Kosovës, organizatë kjo që monitoron punën e Kuvendit të Kosovës, ka deklaruar se gjatë sesionit pranveror, Kuvendi nuk ka arritur ta përmbushë deri tash as 22 për qind të agjendës legjislative.
Kuvendi i Kosovës do të debatojë çështjen e shumëpërfolur të Demarkacionit të kufirit me Malin e Zi, por fillimisht jo në një seancë të rregullt plenare, por në një tryezë të rrumbullakët.
Zyrtarë të Qeverisë së Kosovës nga PDK-ja paralajmërojnë takime intensive të forcave politike në vend që do të çonte drejt krijimit të një konsensusi kombëtar. LDK ndërkaq kërkon debat brenda Kuvendit për këtë çështje. Debati në shoqëri është cilësuar i vonuar nga shoqëria civile por njëkohësisht edhe i domosdoshëm për ta nxjerrë vendin nga kriza e thelluar.
Shfaq më shumë
