Arton Konushevci është gazetar i Radios Evropa e Lirë në Prishtinë.
Shefja e Grupit Parlamentare të partisë opozitare Nisma për Kosovës, Valdete Bajrami, ka kritikuar ashpër presidentin e Kosovës, Hashim Thaçi, pasi ky i fundit u kishte nisur letra të hapura Prokurorisë së Shtetit dhe Këshillit Prokurorial, përmes së cilave ai kërkonte që të zbardhen të gjitha krimet e kryera gjatë dhe pas luftës.
Asociacioni i komunave me shumicë serbe nuk do të themelohet para se Serbia t’i shuajë strukturat paralele në veri dhe të pajtohet për zbatimin e marrëveshjes për kodin telefonik të Kosovës.
Me 79 vota për, asnjë kundër dhe 14 abstenime, deputetët e kaluan Ligjin e plotësuar, i cili ngjalli kundërshtimet e deputetëve të Listës Serbe, që nuk qëndruan deri në fund të seancës së dytë.
Dekriminalizimi i institucioneve të Kosovës pritet të jetë misioni kryesor i amandamentimit të Kodit Penal. Ky mision është paralajmëruar se do të nis që nga listat zgjedhore, duke ua ndaluar personave nën hetime të marrin pjesë në zgjedhje, e deri te ndalimi i ushtrimit të funksioneve publike për persona mbi të cilët rëndojnë aktakuza.
Mos zbatimi i marrëveshjeve të arritura në Bruksel dhe arrestimi i një zyrtari të lartë të Policisë së Kosovës kanë krijuar tensione dhe vështirësi në raportet ndërmjet ekipeve dialoguese të Kosovës dhe Serbisë.
Autoritetet në Prishtinë thonë se vonesa e ratifikimit të marrëveshjes për demarkacionin e kufirit me Malin e Zi ka ‘dëmtuar interesat e vendit’. Kryetari i Kuvendit të Kosovës, Kadri Veseli, tha se institucionet e Kosovës nuk guxojnë të rrezikojnë më tutje me vonesën e miratimit të këtij projekt- ligji.
Pasaporta e Kosovës në radhitjen ndërkombëtare të fuqisë së saj, është në vendin e 86-të, marrë parasysh se qytetarët e saj mund të udhëtojnë në vetëm 41 vende të botës pa viza.
Çështja e demarkacionit të kufirit me Malin e Zi, duhet të kthehet në pikën zero, thotë në intervistën për Radion Evropa e Lirë, kryetari i Nismës për Kosovën, Fatmir Limaj. Sipas tij, Qeveria aktuale e ka futur vendin në krizë politike krejt të panevojshme, me tensione dhe me shumë probleme.
Zyrtarë të Qeverisë së Kosovës thonë se projekt-ligji për ratifikimin e marrëveshjes për Demarkacionin e kufirit me Malin e Zi do t’i dërgohet Kuvendit brenda pak kohësh për votim. Partia në opozitë, Lëvizja Vetëvendosje, prezanton planin pesë pikësh, ‘rrjedhojë e nevojës për anulimin e marrëveshjes aktuale me Malin e Zi’.
Në radhitjen ndërkombëtare të fuqisë së pasaportave të vendeve në botë, Kosova është paraqitur në vendin e 86-të, marrë parasysh se qytetarët e saj mund të udhëtojnë në vetëm 41 vende të botës - pa viza.
Zhvillimet politike në rajon, për shkak të specifikave të caktuara, shpesh ndërlidhen me implikime në shtete të ndryshme të Ballkanit por, thonë analistët politikë në Kosovë, ‘rasti i referendumit në Republikën Serbe nuk pritet të ketë ndonjë jehonë apo ndikim të veçantë në Kosovë dhe posaçërisht jo në pjesët e banuara me shumicë serbe’.
Çështja e të pagjeturve nga Kosova, e vlerësuar si më e dhimbshmja që prej përfundimit të luftës më 1999, mund të hapet në bisedat ndërmjet Kosovës dhe Serbisë, sado që ajo deri tani s'ka arritur të bëhet pjesë e agjendës së dialogut, thonë zyrtarë të Qeverisë së Kosovës.
Kosova, me gjasë, do të duhet të pres anëtarësimin në dy organizatat ndërkombëtare të sigurisë, INTERPOL dhe EUROPOL, për të paktën edhe një vit tjetër, thonë njohës të mirë të rrethanave të sigurisë.
Presidenti i Kosovës, Hashim Thaçi, nuk do të bëjë dekretimin e 34 gjyqtarëve nga radhët e komunitetit serb, të propozuar nga Këshilli Gjyqësor i Kosovës që nga muaji gusht i vitit 2015, kanë bërë të ditur për Radion Evropa e Lirë zyrtarë të Presidencës.
Të paktën 50 persona kanë vdekur dhe dhjetëra të tjerë janë lënduar në aksidente trafiku në gjysmën e parë të vitit, flasin shifrat zyrtare të Policisë së Kosovës, ndërkohë që një numër aksidentesh kanë shënuar posaçërisht periudhën e verës.
Emrat e 34 gjyqtarëve serbë, që pritet të punojnë në Gjykatën Themelore në veri të Kosovës, i janë dërguar për dekretim presidentit të Kosovës, Hashim Thaçi, thonë në Këshillin Gjyqësor të Kosovës.
Udhëheqës të Forcës së Sigurisë së Kosovës, thonë se shndërrimi i saj në një Forcë të Armatosur do të bëhet në përputhje me standardet e NATO-s, si një “ushtri moderne me kapacitete të plota”.
Sistemi i drejtësisë në Kosovë është skajshmërisht i politizuar dhe rrjedhimisht jofunksional, thonë përfaqësues të organizatave joqeveritare. Por, autoritetet e gjyqësorit në vend, sado që pohojnë se mund të ketë raste individuale, përgjithësisht e përjashtojnë mundësinë e ndikimit të politikës.
Veseli: "Si koalicion qeveritar jemi shumë stabil”. Beqiri: “Besoj se do të vazhdojë puna”.
Kuvendi i Kosovës e ka përmbyllur sesionin pranveror të tij përmes përplasjeve të forta ndërmjet pozitës e opozitës për çështje të ndryshme dhe me ndërprerje të shumta të punës, duke mos arritur të përmbushë detyrat e miratimit të ligjeve dhe pakove ligjore, për të cilat është thirrur.
Shfaq më shumë
