Arton Konushevci është gazetar i Radios Evropa e Lirë në Prishtinë.
Ligji për sigurime shëndetësore ende nuk është miratuar në Kuvendin e Kosovës, çka ka bërë që të bllokojë edhe krijimin e fondit të sigurimeve shëndetësore. Sipas autoriteteve vendore, kjo deri më tani ka ndodhur në mungesë të çmimoreve për shërbimet shëndetësore dhe numrit të vogël të të punësuarve. Në anën tjetër, përfaqësues që merren me mbrojtjen e të drejtave të njeriut, mosmiratimin e këtij ligji e konsiderojnë si të pakuptimtë.
“Bashkimi Evropian nuk do të duhej të pyesë Serbinë për shtrirjen e EULEX-it në Kosovë”, thotë për Radion Evropa e Lirë, Driton Lajçi, analist për çështje politike.
Përfaqësues të organizatave joqeveritare në Kosovë tërheqin vëmendjen e rritjes së numrit të përdoruesve të narkotikëve, gjë që, sipas tyre, krijon një gjendje alarmante. Ndërkaq, përfaqësues të institucioneve gjyqësore mohojnë një gjë të tillë, duke thënë se është e tepërt të flitet për gjendje alarmante në këtë drejtim.
Pas pak më shumë se tre muaj që kur u emërua shef ekzekutiv i Lidhjes Demokratike të Kosovës, Blerim Kuçi ka dhënë dorëheqje. Ai thotë se largimi nga ky post është bërë me kërkesë të kreut të partisë, Fatmir Sejdiu.
“Në veri kemi situatë të tendosur, që mund të përkeqësohet dhe të ketë implikime për tërë territorin e Kosovës, e ndoshta edhe për rajonin”, thotë Ramadan Qehaja, ekspert i sigurisë.
“Qeveria e Kosovës, në raport me veriun, s'ka pasur strategji, apo s'e ka vazhduar strategjinë që është lënë në tryezë e përgatitur”, thotë për Radion Evropa e Lirë, Ethem Çeku, nga Aleanca për Ardhmërinë e Kosovës.
Sundimi i ligjit, pjesa veriore e Mitrovicës, si dhe ruajtja e stabilitetit, janë sfidat kryesore të Kosovës, pas shpalljes së pavarësisë. Kështu është vlerësuar sot gjatë një konference me temën "Nga njohja e deri te krijimi i shtetit - Si më tej në Kosovë", e cila u mbajt në Prishtinë. Përderisa kritikët vlerësuan se Kosova nuk funksionon si shtet, zyrtarët qeveritarë konsiderojnë se janë vendosur shtyllat kryesore të shtetit.
“Gjykata duhet ta dijë se Kosova është okupuar në vitin 1912-13 dhe është okupuar me akte të gjenocidit”, thotë në intervistë për Radion Evropa e Lirë, profesori i së drejtës ndërkombëtare, Zejnullah Gruda.
Ekspertët ligjorë në Prishtinë thonë se ekzistojnë shumë fakte historike, juridike dhe politike, me të cilat Kosova do të dëshmojë ligjshmërinë e pavarësisë së saj në Gjykatën e Hagës.
Eksperti britanik, Michael Wood, është përzgjedhur nga institucionet e Kosovës, për t'i prirë ekipit ligjor kosovar para GJND-së, ku pritet të shqyrtohet çështja e vlefshmërisë së pavarësisë së Kosovës.
Mjekët në Kosovë kanë filluar një grevë të përgjithshme, gjatë së cilës do të trajtohen vetëm rastet emergjente. Sipas Federatës Sindikale të Shëndetësisë, greva, që po mbahet në të gjitha qendrat spitalore, do të vazhdojë deri në përmbushjen e kërkesave.
Qeveria e Kosovës do të angazhojë ekspertë vendorë dhe ndërkombëtarë për mbrojtjen e ligjshmërisë së pavarësisë së Kosovës në GJND. Zyrtarë të MPJ-së thonë se janë në përfundim të platformës, përderisa opozita shprehet skeptike.
Ish-presidenti i Finlandës, Martti Ahtisaari, fitoi Çmimin Nobel për Paqe, ka kumtuar Komiteti Norvegjez. Këtë vendim e kanë përshëndetur edhe autoritetet kosovare, duke vlerësuar se zoti Ahtisaari ka bërë punë të madhe në zgjidhjen e konflikteve në botë, përfshirë këtu dhe Kosovën.
Njohja e shtetit të Kosovës nga Maqedonia dhe Mali i Zi ka një rëndësi të madhe për Kosovën, sepse tash e tutje do të këtë një bashkëpunim edhe më të madh mes shteteve. Kështu vlerësojnë qytetarët.
Vënia e ligjshmërisë së pavarësisë së Kosovës para Gjykatës Ndërkombëtare të Drejtësisë, që është votuar nga Asambleja e Përgjithshme e Kombeve të Bashkuara, do të sfidojë anëtarësimin apo procesin e anëtarësimit të Kosovës në OKB, në institucione politike, ekonomike, arsimore, kulturore dhe sportive - thonë analistët. Ndërkaq, qytetarët mendojnë se nuk do të ketë kurrfarë ndikimi negativ për Kosovën. Ata, madje, thonë se Gjykata Ndërkombëtare e Drejtësisë do ta vlerësojë drejt ligjshmërinë e pavarësisë së Kosovës.
“Të gjitha zhvillimet në Kosovë janë bërë mbi të drejtën ndërkombëtare dhe ajo e njeh të drejtën e kombeve për vetëvendosje. Mendojmë që GJND s’do marrë vendim kundër vullnetit të shumicës”, thotë kryetari i Kuvendit, Jakup Krasniqi.
Një ditë para seancës së Asamblesë së Përgjithshme të Organizatës së Kombeve të Bashkuara, ku pritet të diskutohet për nismën e Serbisë kundër Kosovës, analistët kosovarë thonë se ajo mund të kalojë, por, sipas tyre, shtetet e mëdha do ta përkrahin edhe më tej Kosovën.
Përfaqësuesit e Qeverisë së Kosovës konsiderojnë se funksionimi i misionit të ri në Kosovë, EULEX, është vendim i kryer. Këto deklarata janë bërë pas atyre të Beogradit zyrtar, se Beogradi do ta pranonte këtë mision nëse ai legalizohet nga Këshilli i Sigurimit me një komunikatë ose deklaratë presidenciale. Nga ana tjetër, analistët politikë pohojnë se Beogradi zyrtar ketë çështje po mundohet ta diskutojë për përfitime të veta.
Qeveria ka shtyrë vendimin që Universiteti i Prishtinës të funksionojë si organizatë e pavarur buxhetore, veprim ky që, sipas rektorit, nuk i kontribuon universitetit. Ndërkohë, zyrtarë të qeverisë pohojnë se nuk përzihen në punët e universitetit. Por, mendim tjetër kanë ekspertët.
“Janë disa struktura para-politike kriminale (në veri), që dëshirojnë të kenë një atmosferë që do të jetë në interes të profiterëve. Andaj, atje shfaqet trafikimi, kontrabanda...”, thotë Zenun Pajaziti, ministër i Punëve të Brendshme.
Shfaq më shumë
