Arton Konushevci është gazetar i Radios Evropa e Lirë në Prishtinë.
Me gjithë parashikimet e zyrtarëve nga Ministria e Shëndetësisë dhe Instituti Kombëtar i Shëndetësisë Publike, se me uljen e temperaturave do të këtë rritje eventuale të rasteve me të prekur nga virusi A/H1N1, sipas tyre, një gjë e tillë nuk ka ndodhur. Megjithatë, ata thonë se kanë marrë masa shtesë për parandalimin e këtij virusi.
Përfaqësuesit e Policisë së Kosovës, por edhe ata të Komisionit Qendror të Zgjedhjeve zotohen për një mbarëvajtje të qetë të procesit zgjedhor. Ata kanë hartuar edhe një strategji të veçantë veprimi për sigurinë.
Komisionet teknike për demarkacionin e kufirit ndërmjet Kosovës e Maqedonisë janë duke bërë punët e fundit teknike të pronave, për të vërtetuar çështjet kontestuese mes dy vendeve për kufirin, thonë anëtarët e Komisionit teknik të Prishtinës.
Akademikë dhe veprimtarë të njohur në Prishtinë e vlerësojnë lart ndarjen e çmimit Nobel për Paqe, për presidentin Barak Obama. Sipas tyre, Obama po krijon një frymë të re progresive dhe të qëndrueshme në gjithë botën.
Në një dëgjim publik të organizuar nga Komisioni parlamentar për të zhdukurit, përfaqësuesit e familjarëve që iu mungojnë të afërmit e tyre, kanë kritikuar institucionet e vendit se nuk po bëjnë sa duhet për këtë çështje. Ndërsa, përfaqësuesit e Komisionit qeveritar kanë thënë se po punohet sipas mënyrës së paraparë.
Nuk dihet se kush do të qeverisë me veriun e Kosovës, thonë zyrtarë e analistë kosovarë, pasi, sipas tyre, atje nuk do të mbahen zgjedhjet lokale. Rrjedhimisht, thonë ata, situata mbetet e njëjtë.
Përfaqësuesit e Komisionit Qendror të Zgjedhjeve thonë se janë duke punuar intensivisht që sa më parë të rifreskohen listat e votuesve. Ndërkaq, disa nga partitë opozitare thonë që nëse me kohë nuk arrijnë që t’i çregjistrojnë personat që kanë ndërruar jetë, do të ketë probleme.
Komisioni Qendror i Zgjedhjeve dhe Ministria e Arsimit, Shkencës dhe Teknologjisë kanë nënshkruar një memorandum mirëkuptimi, lidhur me procesin e zgjedhjeve të 15 nëntorit. Kjo marrëveshje obligon Ministrinë e Arsimit që ta ndihmojë KQZ-në për krijimin e kushteve në përgatitjen dhe sigurimin e hapësirës për mbajtjen e zgjedhjeve të lira e demokratike në Republikën e Kosovës.
Anëtarët e Kryesisë së Aleancës për Ardhmërinë e Kosovës e kanë kritikuar Qeverinë e Kosovës për shpenzime të mëdha. Sipas tyre, nga një përllogaritje e shkurtër nga Auditori Gjeneral i Kosovës, janë shpenzuar rreth 35 milionë e 100 mijë euro. Ndërkaq, përfaqësuesit e Qeverisë i kanë kundërshtuar këto deklarata.
Përfaqësues të Komisionit Qendror të Zgjedhjeve në Kosovë pohojnë se do t’i shqyrtojnë kërkesat eventuale për certifikim të subjekteve politike, të cilat nuk kanë arritur të aplikojnë brenda afatit të paraparë kohor. Vendimi se a do të merren parasysh kërkesat e tilla, sipas zyrtarëve të ekzekutivit të vendit, varet nga vetë KQZ-ja.
"Një mafi ndërkombëtare, e cila po vepron në atë mënyrë që nuk po pyet për vullnetin, as për interesin e popullit, por po vepron për t’i mbushur xhepat e vet", thotë Adem Demaçi për Radion Evropa e Lirë.
Ndonëse shumica e partive politike në Kosovë thonë se më shumë rëndësi u kushtojnë programeve që do t’u ofrojnë qytetarëve, sesa lidershipit, realiteti deri më tash e ka treguar të kundërtën. Kështu pohojnë disa nga përfaqësuesit e shoqërisë civile.
Përfaqësuesit e Ministrisë së Punëve të Jashtme të Kosovës pohojnë se janë racionalisht optimistë që për Kosovën do të ketë njohje të reja pas takimeve që do të mbahen në selinë e Kombeve të Bashkuara, me rastin e mbajtjes së debateve në Asamblenë e Përgjithshme që do të fillojë më 23 shtator.
Anëtarët e Gjykatës Kushtetuese të Kosovës thonë se kanë nisur punën dhe shqyrtimin e lëndëve në këtë institucion. Sipas tyre, deri më tash në gjykatë kanë arritur 39 lëndë që presin zgjidhje.
Përfaqësuesit e institucioneve të Kosovës presin që Gjykata Ndërkombëtare e Drejtësisë në Hagë të japë mendim pozitiv lidhur me ligjshmërinë e shpalljes së pavarësisë
Përfaqësuesit e Komisionit Qendror Zgjedhor, thonë se zgjedhjet lokale do të organizohen në të gjitha komunat, përfshirë edhe ato të rejat. Megjithatë, kjo çështje mbetet e diskutueshme.
Një rrjet organizatash joqeveritare, në Prishtinë kanë mbajtur protestë kundër nënshkrimit të protokollit në mes të EULEX-it dhe Qeverisë së Serbisë. Organizatorët e protestës kanë akuzuar krerët e institucioneve se "nuk po punojnë për Kosovën".
Shfaq më shumë
