Arton Konushevci është gazetar i Radios Evropa e Lirë në Prishtinë.
Partia Demokratike e Kosovës ka bërë të ditur se njeh vendimin e Komisionit Zgjedhor për Ankesa dhe Parashtresa për shpalljen e rivotimeve në Prizren, Gjilan dhe Lipjan. Njëherësh, PDK-ja ka ftuar vëzhguesit vendorë dhe ata ndërkombëtarë që t’i monitorojnë zgjedhjet nga afër.
Përfaqësues nga Ministria e Punëve të Brendshme të Kosovës, thanë se pas arritjes së marrëveshjes së demarkacionit me Maqedoninë, me kohë do të nisin edhe bisedimet me Malin e Zi. Ata theksuan se nuk parashohin ndonjë problem në këtë drejtim. Ndërkaq, për autoritetet doganore, sfidë mbetet menaxhimi i doganave në veri.
Aktualisht, në Kosovë shërbejnë rreth 12 mijë ushtarë të KFOR-it, por përfaqësues të NATO-s dhe të KFOR-it, paralajmërojnë zvogëlim të këtij numri për 2 mijë trupa gjatë janarit 2010. Ekspertët për çështje sigurie vlerësojnë se reduktimi i KFOR-it në Kosovë, është tregues i mirë për sigurinë në vend.
Analistët politikë në Kosovë kanë mendime pozitive për procesin e zgjedhjeve lokale dhe thonë se Kosova ka dhënë edhe një test të demokracisë. Por, ata kanë mendime të ndryshme për mundësinë e ndryshimeve në skenën politike.
Zyrtarë nga Ministria e Forcës së Sigurisë së Kosovës, thonë se janë duke punuar maksimalisht që sa më parë të bëhet funksionalizimi i plotë i kësaj force. Ndërkaq, ekspertët për çështje ushtarake dhe të sigurisë, konsiderojnë se një nga sfidat e FSK-së është profesionalizimi dhe pajisja me armët e duhura.
Drejtues të organizatave joqeveritare vlerësuan se korrupsioni në Kosovë vazhdon të jetë i pranishëm në të gjitha institucionet. Ata thanë se për të ulur shkallën e korrupsionit në vend, duhet të ketë vullnet politik nga drejtuesit e institucioneve. Vlerësimet u bënë në Ditën Ndërkombëtare Kundër Korrupsionit.
Në Kosovë, korrupsioni ekziston në shumë forma dhe në të gjithë sektorët, prandaj parandalimi dhe luftimi i kësaj dukurie duhet të jetë një çështje parësore për të gjitha institucionet e Kosovës. Kështu u tha sot, me rastin e Ditës ndërkombëtare kundër korrupsionit.
Zyrtarisht, të shtunën, filloi fushata zgjedhore për balotazhin e 13 dhjetorit për kryetarë të 21 komunave, në të cilat në zgjedhjet e 15 nëntorit, asnjë prej kandidatëve nuk arriti të marrë mbi 50 për qind të votave. Në Komisionin Qendror të Zgjedhjeve thonë se përgatitjet janë bërë me kohë. Kurse, analistët nuk presin diçka të veçantë nga balotazhi.
Ambasadorja e Republikës së Çekisë në Kosovë, Janina Herbickova, thotë se Kosova nuk është shumë larg, por as afër integrimit në Bashkimit Evropian. Kurse, ekspertët për integrime evropiane vlerësojnë se njohja e pavarësisë së vendit nga të gjitha shtetet e BE-së, do të paraqesë problem për nisjen e procedurave për integrim në këtë mekanizëm.
Procesi i ligjshmërisë së shpalljes së pavarësisë në GJND, sipas diplomatëve dhe njohësve të së drejtës ndërkombëtare, nuk do të ketë ndikim negativ në statusin politik të Kosovës.
Megjithëse në Kosovë kanë arritur 5 mijë vaksina kundër virusit A-H1N1, vetëm 9 persona i kanë marrë ato. Ndërkohë, numri i të infektuarve me këtë virus, sipas autoriteteve shëndetësore, po shënon rritje.
“Në një anë kemi EULEX-in, praninë evropiane shumë serioze institucionale këtu, në anën tjetër janë vendet evropiane që nuk na njohin dhe ato po krijojnë pengesa për zgjidhjen e problemeve”, thotë akademik Rexhep Ismajli.
Të gjitha misionet diplomatike të Kosovës do të konsolidohen në mënyrë të plotë deri në fund të këtij viti. Zyrtarë të Ministrisë së Punëve të Jashtme thonë se janë duke punuar me një ritëm të shpejtë për kompletimin e stafit diplomatik dhe administrativ.
Besimtarët myslimanë festojnë Kurban Bajramin. Myftiu i Kosovës, Naim Tërnava, ftoi besimtarët të reflektojnë ndjenjën e humanitetit, solidaritetit e bamirësisë.
Ambasadori i Shteteve të Bashkuara të Amerikës në Kosovë, Kristofer Dell, ka thënë se Forca e Sigurisë së Kosovës në të ardhmen do të jetë pjesë përbërëse e NATO-s.
Komisioni Zgjedhor për Ankesa dhe Parashtresa ka bërë të ditur se kanë mbetur pa u përfunduar rreth 20 lëndë, që janë paraqitur nga subjektet politike që garuan në zgjedhjet vendore të 15 nëntorit.
Me gjithë paralajmërimet për nisjen e vaksinimit të personelit mjekësor kundër virusit A/H1N1, kjo nuk ka ndodhur. Sipas drejtuesve të spitalit, mjekët e QKUK-së, nuk kanë shprehur gatishmëri për t’u vaksinuar.
"Lëvizjet rreth bërjes ose ribërjes së koalicioneve janë krejtësisht të natyrshme, por është e papranueshme që ato të bëhen duke shkelur Kushtetutën", thotë shkrimtari dhe publicisti Mehmet Kraja.
Shfaq më shumë
