Shkatërrimi i Kievit: Pasojat e bombardimeve nga Rusia

Të mbijetuarit e sulmit rus u larguan nga rrënojat e shtëpive të tyre me pak gjësende, disa duke mbajtur në duar kafshët e tyre shtëpiake.

Dhjetëra njerëz u evakuuan nga ndërtesat e dëmtuara dhe të shkatërruara në Kiev. Të paktën 23 njerëz u konfirmuan të vrarë, mes tyre katër fëmijë.

Shpëtimtarët kërkuan mes rrënojave të ndërtesave të banimit në Kiev për të mbijetuar pas sulmit të 28 gushtit.

Shpëtimtarët përdorën shkallë të gjata dhe pajisje të posaçme për të arritur në katet e sipërme të një ndërtese të dëmtuar në qarkun Darnitski në Kiev, e cila ishte goditur rëndë.

Autoritetet e Kievit thonë se numri i viktimave nga sulmi rus arriti në 23 më 29 gusht dhe ka gjasa të rritet.

Sulmi rus ishte një nga më të mëdhenjtë që ka goditur kryeqytetin ukrainas në javët e fundit, dhe më i madhi që prej një takimi midis presidentit rus, Vladimir Putin, dhe presidentit amerikan, Donald Trump, i cili synonte të gjente një zgjidhje për pushtimin e Ukrainës nga Rusia.

Banorët e Kievit u zgjuan më 28 gusht me një agim të mjegullt, teksa tymi nga zjarret e shkaktuara nga sulmi rus shpërndahej në dritën e mëngjesit.

Një grua e çon iriqin e saj shtëpiak në një vend të sigurt pas sulmit.

Dhjetëra njerëz u plagosën në sulmin rus, shumica e të cilëve u shtruan në spital me plagë nga të lehta deri te ato të rënda.

Sulmi rus me raketa thyeu xhamat e dritareve, dëmtoi makinat dhe krijoi rrënoja në shumë lagje.

Punonjësit e emergjencës u munduan t'i trajtonin të plagosurit në vendngjarje.

Në distriktin Darnitski të Kievit, një ndërtesë pesëkatëshe u godit drejtpërdrejt.

Edhe ndërtesat zyrtare në kryeqytetin ukrainas u dëmtuan.

Punonjësit komunalë punuan për t'i pastruar rrënojat që mbushnin rrugët e Kievit.

Shpëtimtarët ngushëlluan kafshët shtëpiake të pronarëve të zhdukur.