Gratë e guximshme

Një mjeke afgane, aktivistja ukrainase, kandidatja presidenciale në Taxhikistan, dhe një klerike gjeorgjiane, janë në mesin e 10 femrave të nderuara me çmimin “Guximi i Grave Ndërkombëtare” të Departamentit amerikan të shtetit.

Zonja e parë amerikane, Michelle Obama, në ceremoninë e mbrëmshme në Uashington tha se “me secilën jetë që ato e kanë prekur dhe secilin shiprt që e kanë rritur, këto gra po krijojnë valë, që shtrihen në gjithë globin”.

Ky çmim i sekretarit amerikan të shtetit ka filluar në vitin 2007 dhe u jepet grave në gjithë botën, që kanë treguar “guxim të jashtëzakonshëm dhe udhëheqje në angazhimin për paqe, drejtësi, të drejta të njeriut, barazi gjinore, dhe fuqizim të femrave”.

“Guximi i Grave Ndërkombëtare”, Bobonazarova

Fituese është edhe politikanja e opozitës Oinihol Bobonazarova e Taxhikistanit, e cila avokon për të drejtat e grave, të burgosurve dhe punëtorëve emigrantë. (Video: Departamenti i Shteteve të Bashkuara)

“Guximi i Grave Ndërkombëtare”,Nasrin Oryakhil

Ndër fitueset është edhe mjekja Nasrin Oryakhil nga Afganistani, për kujdesin mjekësor dhënë grave afgane, pavarësisht kërcënimeve dhe sulmeve talebane. (Video: Departamenti i Shteteve të Bashkuara)

"Guximi i Grave Ndërkombëtare”, Ruslana

Në mesin e atyre që u nderuan me këtë çmim është edhe këngëtarja dhe aktivistja pro-evropiane ukrainase, Ruslana Lyzhchko.