Drejtoresha e shërbimit të Ballkanit të Radios Evropa e Lirë, Gordana Knezheviq foli me aktoren Anxhelina Zholi në Sarajevë, për filmin e saj, "Në tokën e gjakut dhe mjaltit". Filmi, që është një dramë gjatë luftës së Bosnjës gjatë viteve 1990, mbajti premierën kryeqytetin boshnjak, Sarajevë, më 14 shkurt.
Your browser doesn’t support HTML5
Anxhelina Zholi flet për filmin e saj
"Mjaltë e gjak" në Sarajevë
Premiera e filmit të Anxhelina Zholisë
Ylli hollivudian Anxhelina Zholi dhe partneri i saj Bred Pit, kanë qenë në kryeqytetin boshnjak, Sarajevë, për premierën e filmit të saj, që flet për një histori lufte dhe dashurie që ka ngjallur polemika në Ballkan.
Filmi "Në tokën e gjakut dhe mjaltit," u shfaq më 14 shkurt në një premierë të veçantë për 5.000 të ftuar.
Filmi përshkruan gjendjen e dhjetëra mijëra grave boshnjake myslimane që u ishin nënshtruar përdhunimit dhe abuzimit nga rrëmbyesit e tyre serbë, gjatë luftës së viteve 1992-95, një konflikt që përfshinte masakrën e Srebernicës dhe rrethimin e Sarajevës.
Filmi i Zholisë ka qenë i kritikuar nga serbët etnikë, të cilët thonë se ai portretizon ushtarët serbë si keqbërës.
Republika Serbe në Bosnje, ka refuzuar të lëshojë filmin në kinema në territorin e saj.(g.k.)
http://www.youtube.com/embed/X35oCa7XfGE