Presidenti amerikan, Donald Trump, e quajti "sukses ushtarak spektakolar" sulmin ndaj centraleve bërthamore të Iranit. Ai tha se bombarduesit amerikanë goditën në uzinat në Fordo, Natanz dhe Isfahan. Sulmet u kryen mëngjesin e 22 qershorit, sipas kohës lokale. Imazhet satelitore tregojnë centralin Fordo - i ndërtuar thellë nën tokë - para dhe pas sulmeve.
Pamjet satelitore tregojnë centralin Fordo para dhe pas sulmeve
1
Tym shihet duke u ngritur nga kratere të krijuara nga sulmi amerikan në objektin për pasurim në Fordo të Iranit, në një imazh satelitor të realizuar më 22 qershor.
2
Ky imazh satelitor tregon ndërtesën bërthamore në Fordo dhe një rrugë që përdoret për hyrje në këtë central, para sulmit amerikan.
3
Kamionë dhe buldozerë shihen pranë hyrjes së objektit nëntokësor në Fordo, përpara sulmit. Irani pretendoi se kishte larguar materialin nga Fordo dhe objektet e tjera të përpara se të sulmoheshin.
4
Kamionë transportues shihen të pozicionuar pranë hyrjes së objektit në Fordo më 19 qershor, përpara sulmit.
