Nura: Shpresoj që LVV-ja do të nxjerrë një figurë unifikuese për kryeparlamentar
Para nisjes së seancës, deputeti i PDK-së, Jakup Nura, tha se shpreson që LVV-ja të nxjerrë një figurë “unifikuese” për postin e kryeparlamentarit.
“E kemi një situatë të qartë. Mendoj që LVV-ja ka pasur kohë të reflektojë dhe të shohë dëmin që ka shkaktuar me moszgjedhjen e kryeparlamentarit. Shpresoj që dp të nxjerrë një figurë më unifikuese”, tha ai.
Nura shtoi se PDK-ja e ka thënë në të kaluarën ka deklaruar se do të votojë “një figurë që nuk është e implikuar në korrupsion”.
Bugaqku: Shqetësimet e LVV-së se mund t’i merret e drejta e propozimit janë të bazuara
Vullnet Bugaqku nga Instituti Demokratik i Kosovës i ka thënë më herët REL-it se shqetësimet e LVV-së se e drejta për propozimin e kryeparlamentarit mund t’i kalojë një partie të dytë, janë të bazuara.
“Kjo e drejtë mund të ndryshojë vetëm në një situatë - nëse grupi më i madh parlamentar e keqpërdor të drejtën e propozimit për kryetar Kuvendi, si një mundësi për ta bllokuar konstituimin e Kuvendit”, deklaroi Bugaqku më 19 gusht.
Ai po ashtu u shpreh se nëse nuk respektohet afati i vendosur nga Kushtetuesja, Gjykata e ka për obligim t’i sqarojë pasojat juridike.
Çfarë vendosi Kushtetuesja për zgjedhjen e kryeparlamentarit?
Në videon e mëposhtme, gjeni të përmbledhur vendimin e Kushtetueses sa i përket zgjedhjes së kryeparlamentarit të ri.
Rexhepi: E respektoj vendimin e Gjykatës Kushtetuese
Zëvendëskryeministrja në detyrë nga radhët e komunitetit boshnjak, Emilija Rexhepi, tha se e respekton aktgjykimin e Kushtetueses, duke shtuar se do të votojë kandidaten e LVV-së për kryetare të Kuvendit, Albulena Haxhiun.
Në pyetjen se a do të konstituohet Kuvendi brenda 30 ditësh, ajo është përgjigjur me “ndoshta”.
