Një aeroplan me 121 persona të evakuuar nga Afganistani ka mbërritur në aeroportin e Tiranës, në orët e hershme të së premtes së 27 gushtit.
Mes pasagjerëve kishte foshnja, fëmijë dhe persona në karroca, të cilëve u është kontrolluar temperatura sapo kanë zbritur në Shqipëri, para se të dërgoheshin në tenda, ku janë regjistruar dhe ku kanë marrë ushqim.
Më pas, afganët janë dërguar nëpër hotele në qytetin e Durrësit, ku do të qëndrojnë derisa të zhvendosen për strehim të përhershëm në Shtetet e Bashkuara të Amerikës.
(Përgatiti: Trim Haliti)
Afganët e ikur nga Kabuli strehohen në Shqipëri
5
Afganët janë dërguar fillimisht në tenda ushtarake për t’i bërë testet mjekësore.
6
Pas regjistrimit të tyre, afganët do të vendosen nëpër hotele në Durrës.
7
Qeveria e Shqipërisë ka thënë se afganët mund të qëndrojnë të paktën një vit.
8
Sipas një vendimi të miratuar të mërkurën nga qeveria shqiptare, qytetarëve afganë do t’u ofrohet statusi i “mbrojtjes së përkohshme”.
