Aktuale

Qetësohet situata në Mitrovicë të Veriut

29 maj 2023

Radio Evropa e Lirë

Rreth orës 13:00 të së martës, në Mitrovicë të Veriut janë dëgjuar sirena alarmi.
Ministri i Brendshëm i Kosovës, Xhelal Sveçla, ka thënë se tre pjesëtarë të Policisë së Kosovës janë të lënduar gjatë një aksioni në veri.
Sipas tij, Policia e Kosovës në këtë aksion e ka arrestuar Milun Milenkoviq- Llune, “një nga udhëheqësit e formacionit kriminal 'Mbrojtja Civile’”.
Sipas Sveçlës, i njëjti ka qenë edhe organizatori kryesor i sulmeve ndaj forcave të KFOR-it dhe Policisë së Kosovës në Zveçan para dy javësh.
Serbët lokalë kanë organizuar në tri komunat në veri të Kosovës, Zveçan, Zubin Potok dhe Leposaviq.
Ata kanë protestuar rregullisht prej 29 majit, për të kundërshtuar hyrjen e kryetarëve shqiptarë në ndërtesat komunale.

13:49 13.6.2023

Automjete të blinduara në Lagjen e Boshnjakëve

Ekipet e Radios Evropa e Lirë i kanë parë disa automjete të blinduara në Lagjen e Boshnjakëve në Mitrovicë të Veriut.

Automjetet janë parë në rrugën që të çon në drejtim të shkollës së mesme teknike, ku janë mbledhur serbët lokalë.

14:14 13.6.2023

Pamje tjera nga Lagjja e Boshnjakëve

14:27 13.6.2023

Dëgjohen thirrjet “tradhti”

Ekipi i Radios Evropa e Lirë raporton se njerëzit që janë grumbulluar në afërsi të shkollës teknike në Mitrovicë të Veriut, janë duke brohoritur “tradhti” si dhe e kanë ofenduar presidentin serb, Aleksandar Vuçiq.

14:55 13.6.2023

Sulmohet ekipi i ATV-së në Zveçan

Televizioni lokal në Kosovë, ATV, ka thënë se të martën i është sulmuar një ekip në Zveçan, teksa ka qenë duke raportuar për situatën atje.

Makina e ekipit është sulmuar me gurë, dhe ekipi ka marrë lëndime të lehta trupore.

Asociacioni i Gazetarëve të Kosovës ka shprehur shqetësim për këtë, dhe rastet tjera, të sulmeve ndaj gazetarëve në veri, pas rritjes së tensioneve atje.

Shfaq më shumë