Ndërlidhjet

Mitrovicë e Veriut, 13 qershor.
Mitrovicë e Veriut, 13 qershor.

Qetësohet situata në Mitrovicë të Veriut

  • Rreth orës 13:00 të së martës, në Mitrovicë të Veriut janë dëgjuar sirena alarmi.
  • Ministri i Brendshëm i Kosovës, Xhelal Sveçla, ka thënë se tre pjesëtarë të Policisë së Kosovës janë të lënduar gjatë një aksioni në veri.
  • Sipas tij, Policia e Kosovës në këtë aksion e ka arrestuar Milun Milenkoviq- Llune, “një nga udhëheqësit e formacionit kriminal 'Mbrojtja Civile’”.
  • Sipas Sveçlës, i njëjti ka qenë edhe organizatori kryesor i sulmeve ndaj forcave të KFOR-it dhe Policisë së Kosovës në Zveçan para dy javësh.
  • Serbët lokalë kanë organizuar në tri komunat në veri të Kosovës, Zveçan, Zubin Potok dhe Leposaviq.
  • Ata kanë protestuar rregullisht prej 29 majit, për të kundërshtuar hyrjen e kryetarëve shqiptarë në ndërtesat komunale.
17:21 9.6.2023

"Pezullimi i liberalizimit të vizave për Kosovën nuk është opsion"

Burimet e Bashkimit Evropian, kanë thënë për Radion Evropa e Lirë se, pezullimi i liberalizimit të vizave për Kosovën - që është përmendur si mundësi në media, pas rritjes së tensioneve në veri të vendit - nuk është opsion.

Por, të njëjtat burime, kanë pranuar se edhe në BE po shqyrtohet mundësia e marrjes së masave ndaj Kosovës, në rast se vazhdojnë të mos përfillen kërkesat për uljen e tensioneve në veri, dhe gjetjen e një zgjidhjeje për t’i kthyer serbët në institucionet lokale të asaj pjese.

Serbët lokalë janë duke vazhduar protestat në tri komunat në veri të Kosovës, Zveçan, Zubin Potok dhe Leposaviq, edhe më 9 qershor.

Ata po protestojnë rregullisht prej 29 majit, për të kundërshtuar hyrjen e kryetarëve shqiptarë në ndërtesat komunale.

Lajmin e plotë mund ta lexoni në linkun më poshtë:

17:45 9.6.2023

Rashiti për REL-in: Uashingtoni me ndryshim drastik të politikës ndaj Kosovës

Drejtori i Grupit Ballkanik për Politika në Prishtinë, Naim Rashiti, thotë se Shtetet e Bashkuara kanë bërë një ndryshim drastik të politikës ndaj Kosovës dhe Serbisë.

Në një intervistë për Radion Evropa e Lirë, Rashiti thotë se Uashingtoni dhe Perëndimi e kanë zbutur qëndrimin ndaj Serbisë dhe Beogradi është bërë i “përdorshëm” për të kryer disa shërbime për Perëndimin.

Sa i përket tensioneve në veri të Kosovës, sipas tij, ato kanë ardhur si pasojë e “pritjeve” nga dialogu ndërmjet Kosovës dhe Serbisë. Sipas Rashitit, formati aktual i dialogut, që ndërmjetësohet nga BE-ja, nuk sjell normalizim të raporteve.

Në këtë intervistë, ai flet edhe për draft-statutin e hartuar nga kryeministri shqiptar, Edi Rama, për Asociacionin e komunave me shumicë serbe në Kosovë, të cilin e cilëson si “iniciativë koti”.

Intervistën e plotë me Naim Rashitin mund ta lexoni më poshtë:

18:19 9.6.2023

Vuçiq kërkon autonomi më të madhe për serbët në veri

Presidenti i Serbisë, Aleksandar Vuçiq, i bëri thirrje Kosovës që të mos organizojë zgjedhje të reja për kryetarë të komunave në veri të vendit, derisa të arrihet autonomi më e madhe për serbët etnikë, që përbëjnë shumicën lokale dhe të cilët bojkotuan votimet paraprake.

“Të gjithë serbët në veri e mendojnë Serbinë si vendin e tyre, jo Kosovën. Ky është realiteti”, tha Vuçiq në një intervistë për Reuters-in, më 9 qershor.

Ai tha se “dikush duhet ta marrë situatën nën kontroll dhe të organizojë zgjedhjet (e reja) atje”.

Lajmi i plotë:

19:41 9.6.2023

Çfarë janë duke bërë kryetarët në veri?

Derisa përmendet opsioni i zgjedhjeve të reja lokale në veri të Kosovës, kryetarët shqiptarë të katër komunave me shumicë serbe atje thonë se janë duke kryer detyrat që ua kërkon mandati.

Hyrja e kryetarëve shqiptarë në objektet komunale më 26 maj, përkundër rezistencës së banorëve lokalë, ka shkaktuar tensione në këtë zonë, që vazhdojnë edhe sot.

Artikulli i plotë:

Shfaq më shumë

XS
SM
MD
LG